জীৱন সংগ্রাম
দীপ্তি ঠাকুৰ গোস্বামী
কঠিন বাস্তৱৰ সোণালী সপোন
জীৱন সংগ্রাম কাঁইটীয়া বেৰ
দুর্গম পথ শিলাময় সাকোঁ
মৰুভূমিৰ মৰীচিকা মৰুদ্যানৰ আশা
নীলাভ আকাশ বিশাল মন
দুর্বোধ্য হিয়াৰ অবুজ ভাষা
জীৱন নদীৰ উত্তাল তৰংগ
ঢৌৰ মাজত জীৱন সংগ্রাম
সুন্দৰ ভাস্কৰ্য কঠোৰ পৰিশ্ৰম
জীৱন গঢ়াৰ পথ উত্তপ্ত কমাৰশাল
মিঠা স্বপ্ন একাগ্ৰতাৰ মন
জ্ঞান মন্দিৰৰ এগছি বন্তি
কঠোৰ সাধনা উজ্জ্বল ভবিষ্যৎ
জীৱন নদীৰ স্বৰ্ণাভ মুহূর্ত
আলোকোজ্জ্বল ওৰেটো জীৱন
Doksiri দকচিৰি, মে, ২০২৪
No comments:
Post a Comment