মোৰ সুখ
ৰীতে ৰিদম
নেদেখা বুৰঞ্জীৰ সিপাৰৰ পৰা
বৈ আহিছে এখন নদী
সেউজীয়া উৰুৰ দুই নিতম্ব ফালি
বিল্লেদ
মিংমাং ৰূপহী
ৰ’দে পোৰা দুপৰীয়াত
এজাক গৰখীয়াৰ বাঁহী
সুহুৰি আৰু হাঁহি
পাহাৰৰ সেউজীয়াত দোলি ডুবি
মোৰ সুখ
জীৱন
যৌৱন
ৰূপহী বিল্লেদৰ এচলু জিৰ জিৰ পানী
বিল্লেদ
মিংমাং ৰূপহী
সদ্যস্নাতা ছোৱালীবোৰ মোৰেই উৰ্বশী
যেন ফুলি থকা গোলাপৰ কোমল পাহি
যাৰ দুগালত জিলিকে দগমগ বেলি।
Doksiri দকচিৰি, মাৰ্চ, ২০২৫
No comments:
Post a Comment