Lékoda Lígang
Sadananda Patgiri
Gohpur
Ali bírdugdém
Appun do:jíg bo:ma:la
Ansíne ésar sara:la
Punga:do
Lékoda Lígang,
Dumdum-lu:pe bé:la
Gumrag so:nga:la
Í:r- ponkuré, kekoné-kesagé
Éle gía:do
Ngog aipé mé:nam Lígang.
Sí:sané asinsém
Motumsula:mang lo:dém-lo:dupe
Asinang omodag
Simadné Ginmurdo,
Modar, Singgi
Appun yi:lendodoi
Ngok angkebo
Oyangkang ayanam do:pitko!
Simadné Ginmurdé
A:míloi adpé mé:dag
Anu mé:tomko ?
Kuri Línkodog
Ayang mé:pala lo:dípe
Taddo nok do:nyingko!
Édé:je no yabgodog bérsurla
Muksup yíngkodo
Ansíne ésarko ka:la du:namdém
Roué rokomko.
Odo longédokké
Mé:nam appun punnénna
Ayang a:né billénkang,
Odogíngké
Nokkéla: ngokké
Aya:dé jarsangkang
Nésin-néyinpé.
Dépila
Lígang ngok mébomsunamé.
Dokké
Lígang gía:mílo
Gumrag songa:mílo
Po:ro apong tí:namko
Oisiriké lédulok
Ayang do:nyingko léndag.
Doksiri দকচিৰি, মাৰ্চ, ২০২৫
No comments:
Post a Comment