MÉ:BO MÉ:TOM ABANGKO
Jiten Noro
Asi mé:lotko mé:la
Éi do:sipiring péttanga
Lékoném ngok angké: a:né so:sin sí:yingkílangka!
Asi metekang, elai-puni sí:lungém sí:badla
Jé:yid-po:pidné laorné lu:jarko pa:yépé.
Dolo jíggabla lé:tung
Aipé mé:nam a:puksok mé:bomsunam mé:tomko.
Odolo no aídém maka:la ka:langka.
Manggom lékoném gílangka
Opesoriyé sornam nésor onno légo sonko:la
Jiri-jiri Jili assém síngko:la.
Nok amigdok kajolé ukpinam
Di:tédo pidla lé:tung ti:l aríkko.
Ngo kindag
No mé:podag-
A:né, adi:, aríg
Sulli, jili, punlég,
Sí:yi: la:manggom assém ka:la
No kangaksudak.
Labé lapkurné alabdok gené yalodo
No lé:sila lé:dag kedné siyadko.
Émpila nok léga:pé angké: ara:so
Appun alékko mobitung
Odo lena lé:tung asinsok takam aipé mé:namém.
Doksiri দকচিৰি, মাৰ্চ, ২০২৫
No comments:
Post a Comment