PA:NAM
Tuniram Médok
Atíko pa:pémílo
Mí:lango du:mapé
Pa:réko gerparu:ye,
Gerdídagdo germa:mílo
Pa:mapéi adíé gípagye.
Mé:namdéméi pangbru:la:ma
Sido turko amo:so
Asinbo mé:namdé bojebomdag
Pangaru:pé mí:daggom-
Adípé mokin ma:mílo
Pa:namdé ajjio:bomdag.
Míngkídéméi ilaru:ma
Tani: turra du:dakso
Pa:nam pa:mang rísondo
Gípíla:ma:la adípé pa:pénamdém
Míyin sukin ma:mílo-
Pa:ma:nam mí:dír sagídé
Asin ragom bagbomdag.
Méngkídéméi pangbru:pé míla
Pa:namém payekpé yegla,
Asin ara:bo mímogel
Lékoném pangkuru:ma:mílo
Asiné betkeyenémpé idag.
Doksiri দকচিৰি, মাৰ্চ, ২০২৫
No comments:
Post a Comment