KUSERE

 

KUSERE

             Mg. Ranuj Kumar Payeng 

Kusereé ngokképé misingsé

Sinanésin

Turnanésin

Turdagso méla:mang

Sidaggom méla:mang, 

Turkoso:sin misingé

Sidag lédupésin ya:né alongdé:sin misingé.... 

Agomsé tatpodag 

Ngok mising agomsé

Lupodag lula lunonosumang

Mising i:sé adin-amírso gépodag

Mo:né mo:písok bangkí bangkí tani-mipak ara:lo

Ngo misingé émna léngkansunamsém

Ngok Mising asinsé aipé mé:podag 

Adin-amírsém aipé anpopé ansudag. 

Opín kama:n ope:dokké dírbí yelam kama:ye

Opín kama:n ope:dokké agom ni:tom kama:ye

Agom ni:tom kama:nédokké

Dírbí-dírlab yelam alam kama:ye

Du:lod daglod gélod bomlodésin kala:ma:ye….

Turgod-sigod kusereé sékké bulukké kama:yeji

Mo:písok bulu aro 

taniéima

Bulu sékkaiké leke: lakke:lok

Tígbomnam moimangé….

Doksiri দকচিৰি, এপ্ৰিল, ২০২৫