NGO:PAG AIMA:NÉDÉ

 

NGO:PAG AIMA:NÉDÉ

                                          Digen Taid 

Bulug appí:déi aino:ngé

Koktog rí:síng okum éra:lo

Kumrí do:rí okum éra:lo

Gígong gígo:la sanggo:la

Do:lung ya:me: sí:sangém

Ka:sí mosí:né mibang

Lusula rusék ségnamdé

Akon asak midumképé

Bulukképé ayya:man tarungé.

Sékkaiké érang taniyé

Ge:mín ngommín sudolo

Rotum kumtumnam kídí:dé

Édé appí:dé bulukkép kabomang.

Lotta kétíko napí naré:pé

Pétpu:mopu:sula du:la:pé

Mang-kom ma:romné rugjiko

Bégro:dopé lappung gípu:sula

Éssa:pé du:la:pé émnamdé

Ngo:pag aropé aima:nédé.

Sí:sango: amír asinén

Sí:dug ayirso tíngaksula

Doka:ma:nam apí a:yelog

Yang-kampé ya:péké émnamdé 

Ngo:pag aropé aima:né.

Doksiri দকচিৰি, এপ্ৰিল, ২০২৫