ADI:TÉM DOSUGNÉ MUKKANG

 

ADI:TÉM DOSUGNÉ MUKKANG

Tuniram Médog

Oma orané pédo:do

Kombong po:lo yumdé:do,

Anéké bennyagné okumdok

Ka:to bérsurla mo:té:pé.

Élé Rotke ke:lungé:lé

Nésurlo bumsiksula,

So:yuké kapkodo

Mamo:sudagai yuppusuné arígé:lé.

Longko:pé Ali a:iém

Boríksuné oini:tomko,

Nok dumporné dumgagdo

Asubém subdagai.

Mélo:pé ka:to dité:té

Naré: pésapé mé:pola,

Do:réng lékorém

Boríg sudagai.

Péttang alablo labmínla

Migyabo:koi ayang matala,

Gejikpé ka:nam adi:to

Ka:tagai nom dosuk-sugnamko.

Anéké pidlígnam arígé:lé

Ro: píang-píkodo

Miksi réjinnamém ka:la,

Lomdí-lomdagla nom gílatkunamko

Ka:tagai ngo kombong po:lodo.

Doksiri দকচিৰি, মে, ২০২৫