TA:TOKÉ LEKE DO:YING

 

TA:TOKÉ LEKE DO:YING

Jodu Bori

Nalduwar, Majuli

Ngoluk ajjido:do

Ngoluk Ta:tobí

Leke Do:yingko kíbidagai

Ta:toké Leke Do:ying Ké:binam.

Io:dípé Tadmanna Dungkandag

Yumdéng ayirdo

Ngoluk ta:tobí tatpo tatpopé 

Leke Do:yingko kíbila 

Ngolu Io:dém Tadla Du:dagai

Émpila Ta:toké ayangko 

Lo:dípé mé:pa:la du:yé.

Ngoluk Dungko mo:písé

Io:dípé ka:po kangandag ta:to 

So: mo:píso Ngoluk ta:tobí 

Turra Du:yamílo 

Ngolum appíngém mé:po pola 

Leke Do:ying Kíbila 

Ta:tobí Du:ya:pé

Ngoluk ta:tobí 

Uyu amo:bo yubla du:daggom 

Leke do:ying kínamdém

Ngolu lo:dípé mé:pa:la du:yé

Ta:toké ayang binamdém 

Sé:kom lubiyén 

Ngok mé:dírra Du:namsém

Sé:kom lu:biyén 

Sé:kom kabbiyén 

Ngoluk asin onamsém.

Doksiri দকচিৰি, মে, ২০২৫