AGOM ÉLA: KANGKIN
Oboni Mili
Mising aki:lo onamé
Ngolu Mising opíné.
Ngolukké Mising
agomé dung
Ngolum kínggíngém
lagimílo Agomé ngolum
kínggíngém biyé,
Ngolum kangkiném
lagimílo Ngoluk agomé
ngoluk kangkiné.
Ngolum agomko
luposunapé
Aíké agomki luposula
asiném mé:pomodag.
Amiké agomémsin
kinpé lagidag
Kabopé adjo:-pojo:pé
Lujo:pé lagidag.
Aíké agom lunamdé
Amiké agomém aima:p
mé:la lunanma.
Oko opíndo otoji
Édé opíndok agoméi
édé opíndok turténgé.
Ngolum kangkiném
lagiyémílo
Ngoluk agomé bidag
ngoluk kangkiném.
Ngoluk lunam
Mising agom sé
Ané-Abuké lubomnam
ngoluk aíké agomé.
Mising potin
pokai sulai
Mising agomlok
abíge'm atkaisulai
Na:néké lunam
aíké agomsém
ménggé lé:lai.
Doksiri দকচিৰি, জুন, ২০২৫
No comments:
Post a Comment