DU:TÍYA:MÍLO NO

 

DU:TÍYA:MÍLO NO

                                            Tuniram Médok

Kangkinma:nam ésaré írroikodo

Lí:yomné mukkangé

So:namém ka:mínla,

Gídakku no bérkutsuma:pé

Kombong me:lam ayirdo.

Mí:tagai ngo

Du:tíya:mílo no

Turdaksok appíng

Mí:po-ponamém skumsuge:l,

Kupsila ménam agomdém

Písí-pasapé lubisupé mí:tagai.

Du:tíya:mílo no

Jo:jog,Ke:dang appuném 

Lo:dí:sim puntíla du:mopé mí:tagai,

Édé punla dungkodo

Ékérma:né nok asindok

Yegla ménam agomdém 

Taukupé mí:tagai.

Du:tíya:mílo no

So:yu,Pakkom kapkodo,

Nésurém lo:dípé mé:pola

Ngatímopé mí:tagai.

Édé nganla dungkodo

Moru:lígnam pédongém jonsula,

Mé:dírém sappíla:man asinsém

Lo:dípé gejiktíla du:mopé mí:tagai.

Doksiri দকচিৰি, জুন, ২০২৫