Adla Mé:ye Nog Aminko !
Sadananda Patgiri
Kampon Do:jíglo
Adla mé:ye nog Aminko!
Lo:dém miksi dí:lígye
Bima:mílo aro ayangko.
Asinbe mé:dag
No:uwong du:tei émna,
Ayange kabdag
Nog aminem minna.
Do:mir-ésarém
Potta-pé:yyingém
Ísíng-ílíngém
Karsin-kartangém
Appungem lu:biye
Nog do:nyinko!
Nog Aminko !
No: ma:mílo agomé yokdag,
No ma:mílo Lígange yokdag,
No: ma:mílo mé:po yokdag,
Yokdag ngokke appunge
Lubilamape...!
Do:mírkíddin ayangko
Nog légange bomna dung
No: to:rigsuma:mílo....
Adla giye
Nog Aminko
Gítér-Gítérdo!
Doksiri দকচিৰি, আগষ্ট, ২০২৫
No comments:
Post a Comment