BÍRDUG APPUN ADÉNG
Akosinnang Kondar
A:né ru:yi rísondok
Gu:yíg yí:légdo
Bo:bi lo:lin ésardé
Nébir birmola
Bírdug appun amliyém
Karpum puli:pé
Punlég légmoka.
Mopunké asin rago
Bannyi bansangém
Mutki mudlang muddumki
Ri:yum ri:yumla
Anu ambég amrag
Ragnané tongiyém
No: punné bírdug appuné
Mimang gamikki
Tadog dogné
Doksiri: ri:nala
Anu dongkong ko:naka.
Dírbí arígdog
Ayíng ayí:lo
Do:pín pínnané
Nosor sorlígla
Ni:tom tu:li
Ponam alamé
Ruad ladbu:la
Dongkí: lí:bíng
Étor tornala
Mí:dum dumyé
Mopunké so:yong pakkom
Línggíng alíngé
Adéng boríksukang
No: punné
Bírdug appuné
Agin ginna
Karbug takarpé
Karyar tíkang.
Doksiri দকচিৰি, আগষ্ট, ২০২৫
No comments:
Post a Comment