PÉKOK
Ranuj Kumar Payeng
Ghunasuti
Aríg ísíng kama:mílo
Donam tí:nam kama:ye;
Donam tí:nam kama:mílo
Turnané tornam kama:ye;
Turnané tornam kama:mílo
Pékogé kogye
Pékogé kogmílo
Agomé yogye
Dírbé yogye
Opíné yogye
Dungko dakko kama:ye;
Dungko dakko kama:mílo
Pékogé kogye
Pékok kogmílo
Aín murkongésin
Goparé bugye....
Mimo:sém ésamopémílo
Mo:lungéng geyom mopa:ye
Péiyi-péttangém ni:tom tommopa:ye
Simín sikeém dungkoko bipa:ye
Asi ésar pédongém turnam léga:pé pa:lídomílo
Mo:lungém aya:namdé
Nok asinang ara:bok yelampé ipa:ye
No ékuma:mílo pékok kogye
No ékuma:mílo ngosanpé san-ye
Alo sabsabye
Turnané bélamdé
Goparé bugye
No pékok kogye
No pékok kogye.....
Doksiri দকচিৰি, আগষ্ট, ২০২৫
No comments:
Post a Comment