MINOM TANI

 

MINOM TANI

                         Ranuj Kumar Payeng 

                                           Ghunasuti 

Se:ko kinsudang

A:péné ayirdé

Oko ayirko a:ye:ji...

Ngolu tanié

Dé:ng amo:sok lo:tu minomé

Takaméi lékko: bélamlok gíjoné...

Asin pongkeb pongkebbo

Lí:né gené ma:nyingé

Bojerungko dung...

Minompé gídung ngolu

Sé mo:písé lo:tu:pé du:rasuko ukumé ngolukké

Sidok moimangém ka:la ka:no nosumang

Ka:língé du:pagye

Ka:língém lé:pagpa:yepé

Lulíngé du:pagye

Lulíngém du:pagmopa:yepé

Sidag lédupé lupísulangkuma:bo

Ruadlo:ye ! 

Kémolo! 

Atéro:péye ju:rígpé! 

Ngolu yaru mokolopé a:dung

Ngolu yaru modo aro aropé

Lékom mé:pola yirdo

Lékom mé:dírla kabdo…

Doksiri দকচিৰি, জুলাই, ২০২৫