GÍNYOKSUTO
Madan Pegu
Bi:bí li:li né do:nyi li:sa:do
Iksir ígyirné ngasod abu:do
Ba:yutsudung ka:tin sukolo…
Kétinsudagai oríksudagai
Mé:pin taru:lo daktin sudagai
Lakténg gíténgé írga:dagai
Mé:lod gerténgé ansí:dagai
Lupo lujar ru:ség ru:télo
Anu mé:lotki piang lamtéko
Page:nan yoksém tulíg bitagai
Anu mé:lodé anu asiné
Rokm tangarpé unjer dagai
Angkéng pítala yoksém toarla
Sí:sang iyyé ngarsa:dagai
Ngo migané awo olumé
Mongkun opíném mo:nu mopéné
Anu nésiném jarsa:mopéné
Geyomné mo:píko badlen bopéné
Kaban bannenla mibu a:bangki
Réngam ngasodém mopu:supéné.
Pinyodémei anupé mopakto
Aí kísa:pé me:lot yokkang
Yaru: monénépé batkang
Lukampéi ludung
Jéngkampéi jé:dung
Péttang molomné rukunip baddung
Aso: aso:pé ngok amine yogdung
Ké:né amíngé partid bomdung
Ngo silo tibégné mittub Jo:la
Ta:parpé baddung
Ya:né si:tungko gomgabla
Doksiri দকচিৰি, ছেপ্তেম্বৰ, ২০২৫
No comments:
Post a Comment