Ísíng Asin

 Ísíng Asin

                     Ashok Kr. Doley (Ta:to)

Kajé appíngé ísíng lelai

Kajé appíngé ísíng asin gélai

Ísíngéi dé:bong turné takamlok sidí mo:dído:pé pa:nam ansi:n ésaré

Ísíngé apí-a:ye

Ísíngé sí:sang mímbírlok dumgaglo punné appuné

Ísíngé péyi:-pétta:lok yabané

Ísíngé pédong-ésarlok  tadamla:ma:nam a:bangé

Ísíngé ngamodak

Ísíngé gemodak

Ísíngé amongém nei-néngan nganmola

Asin ayangki mo:písém dakulubdag

Ísíngé do:míré – Do:nyi-Po:lomé topí:né

Ísíngé abungé–

ga:ném sígpí:né

Ísíngé ané-abbo

Ísíngé siné-mo:bo

Ísíngé isor-Allah-God

Ísíngé Buddho

Adji-botté opan-mirém kama:nédé ísíngé

Mé:nying-mé:so aglíng

Kama:nédé ísíngé

Kaje ísíngé asinko gélai

Ísíngémpé édílosin kampola:mang tani: asiné

Doksiri দকচিৰি, ডিছেম্বৰ, ২০২৫