ASINANG OKÍTANG NO ?

 

ASINANG OKÍTANG NO ?

                                    Tuniram Médok

Yumé kídísu ayirdo

Do:lung pongkog lambédo

Sekkaiké tu:lung mudnamdém,

Rongngampé tatkítang no ?

Édíko asin ara:bém

Rongkid-ro:yid bomdagji.

Mé:bo mari ringkodo

Atér-térné yumédo

Tumbo tapung mudnamdém,

Tomi:la tatkítang no?

Édíko asiném ru:bo:modagji.

Mangutsukunam ma:nyi:do

Pakkomké atérpé kabnamdém,

Asindo méngang kítang no?

Édíko mínggong ílíngé

Asiném longkabdagji.

Pérokkogdí ayirdo

Ansingo:pé ésar sardolo

Atéré tedgela tunggé:do,

Asinang okítang no?

Mé:dír mamné mégué

Asiném kapé dorbomdagji.

Rouwé píang píma:dapé

Mo:tép du:né arígdo

Tatpí:-tatsotpé tadnam,

Tomtul ménam ni:tomdém

Atérpé méngangkítang no?

Édíko asiném ro:yagbomdagji.

Doksiri দকচিৰি, ডিছেম্বৰ, ২০২৫