Sí:sadung Ngo Anu Bírdukpé

 Sí:sadung Ngo Anu Bírdukpé

                                                             Kushal Mili

                                              Karachapori dolung

 Sí:sadung ngo anu birdukpé

 Jarsadung ngo Anu otsurpé

Yiryem-yiryemna ngo amigém migrobdung

Jéyid-po:pitpé ngo ni:tomdém tomsa:dung

Ngo Télé dénggoné péttangé.

A:lap  la:bé la:pkurra Dé:sadubong

Punné appuné ngo sé mo:písok

Géjig gerola punsa:du:bong

Sí:sadung ngo anu bírdukpé 

Jarsadung ngo anu otsurpé

Télé sanggatok sa:len pé:né do:nyi ngo

Kartang yumédok lo:ladbiné po:lo ngo

Díyu-iyongdok O:kansuné pé:dongé ngo

Ginmur po:lodok sarka:nsubiné Ésaré ngo

Sí:sala gímamílo ngo appuné punmayepé

Gilulo gipuné yi:mayepé

Sí:sadung ngo anu bírdukpé 

Jarsadung ngo anu otsurpé

Doksiri দকচিৰি, ডিছেম্বৰ, ২০২৫