Méngkinsutoka

 

Méngkinsutoka

                         Rahul Sondi

Kamang nokkémpé 

Dírbí mirémné,

Kamang nokkémpé

Agom mirémné.

Kamang nokkémpé línggung tatponé,

Kamang nokkémpé 

agom luponé.

Kamang nokkémpé

Aríg-ísíng ijo:né,

Kamang nokkémpé

Do:nyi-pédong dagla:né.

Kamang nomyam se:kai a:ng kaya:né,

Kamang nomyam

Asin mé:jo:né.

Mosí:sukinman no Kapila

Aíké dírbí-dírlabém?

Lusí:sukinman kapila no

Aíké agom-gomlabém.

Édílo punnenyén nok dírbí-dírlabé punsa:né appunpé?

Édílo podyén nok gomugé agom gompotpé.

Du:yélang me:lampé

Sémpé, 

Nok dírbí-dírlabé?

Podyélang nok agom-gompodé 

Nok me:lam adí:pé…?

Doksiri দকচিৰি, ডিছেম্বৰ, ২০২৫