সাঁকো
পুষ্পাঞ্জলী গোস্বামী
চেনিকুঠী, গুৱাহাটী
সৰুকালৰ পেঞ্চিল-ৰবৰক লৈ কৰা কাজিয়াবোৰ ক্ৰমাত ডাঙৰ হৈছিল।
ৰবৰবোৰৰ প্ৰতিটুকুৰা এচপৰা এচপৰা ইটালৈ ৰূপান্তৰিত হৈ বিভেদৰ সুউচ্চ দেৱাল গঢ়িছিল। পেঞ্চিলবোৰ জেদী খুটা হৈ পৰিছিল।
“আহচোন, দুয়োটাই একেলগে খেলোঁ।”
ইটোৱে সিটোৰ মুখলৈ গভীৰ প্ৰত্যয়েৰে চাই ৰ’ল।
দেৱাল পাৰহৈ অহা বলটোৱে এডাল সাঁকো গঢ় লৈ উঠাত অৰিহণা যোগালে।
Doksiri দকচিৰি, জানুৱাৰী, ২০২৬
No comments:
Post a Comment