টোপনি
বিশ্বজিৎ শইকীয়া
কাৰ্বি আংলং
শতিকাটোৰ শেষত ময়ো শুম
টোপনি কিনাৰ গুণাগথা চলিছে
অমাৱস্যাৰ এহালি চকু পিন্ধি খেপিয়াই ফুৰিছোঁ এটুকুৰা প্ৰাচীন শিল
কড়ি পিন্ধা হাতখনে মাটিত মঙল চাই বিচাৰি আনিছে স্বপ্নমূৰ্তি কটা এমুঠি বোকা
মাটিৰ মানুহৰ গাত তেতিয়ালৈকে নাথাকে তেজ।
মানুহৰ মৃত শৰীৰ এটা ঘুদালি নৈ লৈ বাট সজা হৈছে
দেউ লগা জৰীজোপাত বহি ৰৈ থাকে বাকৰ নাতিনীয়েক;
সেই ফালেদিয়েই মানুহবোৰে কান্ধত কঢ়িয়াই আনিছিল ইতিহাসৰ জৰায়ু
ডেউকা মেলি উম্ দিয়া হৈছে উশাহ।
Doksiri দকচিৰি, জানুৱাৰী, ২০২৬
No comments:
Post a Comment