স্বাগতম ২০২৬
নীলিমা গগৈ
নীৰৱে আহিছে এজনী শান্তিৰ কপৌ
বন্ধ কোঠালিত মেৰাই থকা
অজগৰবোৰ দেখোন বেত হ’ল।
দুঃসময়বোৰ যেন ৰাতিটোৱে পাৰ কৰিলে।
আয়তীৰ উৰুলিত যন্ত্ৰণাবোৰ অন্ত পৰিল
ফেঁচাৰ কুৰুলিত ক্ষণবোৰ মাঙ্গলিক হ’ল।।
পদূলিত দেখোন উদুলি মুদুলি
হেৰা দুহেজাৰ ছাব্বিশ
আনিছা নেকি কুশল বার্তা
অজগৰবোৰ বেত কৰাৰ স্বপ্নিল কল্পনা
জুবিন কণ্ঠ, ধর্মেন্দ্ৰ অথবা অনুভৱ তুলসীৰ
নৈঋত কোণৰ পৰা আহিছে
এজাক শান্ত শীতল বতাহ
ফুল পৰাৰ শব্দত বাতিবোৰ নীৰৱে শুইছে
সাৰে আছোঁ মই অকলশৰে
শান্তিৰ কপৌজনীৰ অপেক্ষাত।
Doksiri দকচিৰি, জানুৱাৰী, ২০২৬
No comments:
Post a Comment