মৰা তৰাৰ সাধু
ভাস্কৰ জে নাথ
১
কাহানিও ক’ব নোৱাৰিম
দাঙিব নোৱাৰিম ভাৰ
স্ক’লজৰ মৰাতৰাৰ ছবিত
মই মোকেই দেখি থাকিলো
২
মৰিব পাৰে সকলো
মৰাটোৱেই জীৱনৰ শেষ প্ৰাৰ্থনা
এই প্ৰাৰ্থনাৰ সুৰ শুনিবলৈ
কোন আহে ৰাতিৰ দুপৰীয়া
৩
দূৰৈত তৰাবোৰ জিলমিল
মোৰ চকুত তৰাৰ এন্ধাৰ এটি নদী
বৈ জানো থাকিল!
৪
ডিচেম্বৰৰ চকুত
কুঁৱলীবোৰ এঠা দৈ
ডিচেম্বৰক মই
মই বুলি ভাবি ললো
৫
আৰু
তৰাটো ভাঙি-চিঙি
এতিয়া মোৰ চকুৰ চোতালত!
(জাৰ্মান চিত্ৰকৰ হেইনজ্ স্কল’জৰ Death of a Star ছবিৰ আধাৰত এই কবিতাটি)
Doksiri দকচিৰি, জানুৱাৰী, ২০২৬
No comments:
Post a Comment