Mé:rang Éla Takom Ké Do:ying
Sukhalata Taid
Dhemaji
Dígíng rokom longéko. Éde rokomdo aipé dungkí du:ramdagai. Me:rangbí longédo ager atung kama:la asopé aíké kumsung du:téng lottado tedla dungai. Longédo ajjo ajjoko do:pid pidla dungai émpila Me:rangbí mo:rongolo:pé gíma:pé dungai. Edémí:pé du:dodo Takombí déngangkang, Takombí mé:rangmé tatka– “Nok kumsu:dok ngom donam ajjoko bisu:layene? Silo ngolukké ukumélé donam apirkosin kama:dung.”
Me:rangbí Takommé tadlatsutoku - “Kapila no ité po:lodo do:nam léga:pé kumsu:do apirkosinéi mosí:tu:toman? “Takombí rémak:go:pé lulat:su:toku sémpé– ngo mosí:sudope ayirém pa:la:tomang, émpila ngo mosí:sula:toma:”. Takomké agomdém tadgela Me:rangbí mé:mito. Eddíko ainé ainé ariyé dungai, ainé longé, ainé po:lo gípakkang. Émpigelasin no apirkosin mosí:sutoman. édé longékídí:do no okol okkom ela du:la: no ayirém pa:toman? Takombí luto– “ainé ainé longékídí:do ngo tolo bolo ngok tatpo tatponé gomukkí a:bang jenggola dungai, ainé ainé do:lunglo:pé dénggola kanggong kapé gíka. émpila ngo ayirém pa:toma:? Édé lunamdém tadgela, Me:rangké aglíng yébung tu:yíngpé píngkang. Bí aglíng sa:la luto– “Gíkang:ku supak:sin édémípé tolo bolo dénggo:la du:taku okkomsin domanggom aiyépé. “Edémpé lugéla Mé:rangbísin Takommé mo:rongdo du:mogela Kumsung ara:dopé gíanggekula ara:dokké yabgodém síkkapto.
Kin:péru:namko :- Sé:ko Ayir Dok Agerém Ayirdo Geryeji Bí:pak Mité Mirém Rémdag.
No comments:
Post a Comment