TUMNÉ ASIN

 

TUMNÉ ASIN

                               Bhaigeswor Pogag

Ngoya ka:mé:mtoné nom

Ngoya mé:mé:mtoné nom

Konno ka:dodokké nom

A:písi angupé mé:ngkai

Nom asinsi  pa:língkai

Nom a:ngsi mé:bokai.

Nokké migmo kampodéya

Nokké a:pi rémagdéya

Ngokké  asinsim tummokan? 

Ngo kinsukumang ésarpé

Yi:nggodung Ginmur po:lopé.

Nom pa:lí:dag agebdokké

Nom mé:bodag a:ng bokké

Amiksia  ka:mémdun ngo

A:písia  mé:mémdun ngo

Nokké iying isa:dé

Nokké bé:lu bé: lédé

Ngokké asiném tummokai

 Ngokké a:piém omokai. 

Nom mé:ngkolo ngo

Nom ka:ngkolo ngo

 To: ya to:ya:la dungkolo 

Adi gínamém kinsuma ngo. 

Nokké mignmodém ka:yém

Nokké aya:dém pa:yém

Turnamsim turpopé mé:suye

Du: namsim du:popé mé:suye.

Nokké aya:dé tummodung

Nokké dumsigdé mé:modung

Nom mé:la dungkolo ngo

Nom toya:la dungkolo ngo

Dítagé gíyindagbong

Síngkíém sí:yindagbong

Amiksiya ka:mémtoné ngo

A:písiya mé:mémtoné ngo.

Doksiri দকচিৰি, জানুৱাৰী, ২০২৬