ÍSÍNG
Horen Koptak
Kinmang kinmang
Mé:la:sin mé:pí:mang
Noi ngok kémíglo turdoson
Ngoi nok kémíglo turdoson!
Kindag sémmo:pé
No:mam ngo
Ngo:mam no
Ídílosin turla:mang
Sé mo:pí:so
Narpé bisui
Karbon dai oksaitko
Nomsin bilatkupé
Oksijen aupko
Ngasarsula turnanéko
Empige:la...!
Yerungé dung tadbegmang
Amigé dung kabegmang
Kínggí:n pinnyom gébomtak
Léduk do:ying mé:pí:sumang
Mé:lad ka:lad kamang
Ísíng lenamém kinmang
Mo:pí:sé silo ramdung
Guné muksubé yí:lubdung
Yumdí ro:dípé ísíngém téktíl dung
Podong onam yogdung
A:né abungé pínkagdung
Ta:to tamborké dírdang tokodé
Ma:moi yakasi:ké
Ísíng nako sí:lu:dé
Leke doying-pé ipagdung
Silo mo:pí:sé
Ummé uksa:dung
Ísíng ílíng kama:la
Mo:sanpé sandug !!
Doksiri দকচিৰি, জানুৱাৰী, ২০২৬
No comments:
Post a Comment