ALI A:YÉ LÍGANG
Krishno Dole:
Líga:so gílangka mé:nama
Toya:la du:pé
Nogin po:ro tí:téla
Asin do:ying kíbipé.
Ampe: purang apinki
Ngosan ongo ke:polki
Ajon kangkin suté:la
Mé:nam oinom dobopé.
Lígang gí:dí longédo
Amli líggod longédo
Tatpo:pé tapung mudbipé
No yarip arra so:bilang.
Ngo Mibu galug gépébong
No kepsang ege géla:bong
Lo le ni:tom moge:la
Gumrag paksong so:lapé
Aína jilig jalakpé.
Doksiri দকচিৰি, ফেব্ৰুৱাৰী, ২০২৬
No comments:
Post a Comment