Gínmur No Gía:langkuka
Purnajyoti Kumbang
Gínmur no gía:langkuka yali:pé
Gipun alang yonsu:la
Dígín Ali: rísondo
Nok yali:né loarki
Daktok ésar sara:la
Sikídné mo:píso
Ansí:né lolad ladbila:kuka.
No gía:kuma:mílo do:lu:lo
Ali: a:yé lígang a:pélang
Kinggo na:nébí kinma:la
Mo:nul amli: jarpélang
Kou:mé no mépagyok
Pakkomésin goksulang
Émma:míl anu dítakso
Néi - néngan ngansa:la
Mo:lam anup gepé:lang.
Gínmur no gía:langkuka takam kéra:lo
No mé:bomsunamé
Mé:po - í:rdí a:yé
Dírbí - dírlab moimangé.
Doksiri দকচিৰি, ফেব্ৰুৱাৰী, ২০২৬
No comments:
Post a Comment