Do:nyiké Kaban

 

Do:nyiké Kaban

                     Kolpona Pegu

Do:nyiké Kaban bannamém tadla

Tani:lok amig kírí:dé angké:so oledla 

Írgang lop-loppé dorkang. 

Ímídé amkela

A:né rago kongkampé 

Tani:lok asiném ko:pakto.

Tani: takamé amsupé émna

Ímídop gía:dodom

Asinbok koyyang kírí:dém

Lambé lambédo írpaksuto.

Mo:písok takamé 

Do:nyimé ugbomné ímídém

Ka:la du:to.

Yumrangém é:badla

Do:lungém gíbadla

A:ném ré:badla

Takamé lékopé 

Do:nyiké írga:dém ka:to 

Dorné ímído appíngké angkéngé nukang.

Migluné ka:bekto

Gomma:né lukinto

Dé:né péttangé dé:téngí:do du:pakkang

Ísíng annélo 

Ogabla dungkang ayiré.

Doksiri দকচিৰি, মাৰ্চ, ২০২৬