Gimur Kapé A:doné?

 

Gimur Kapé A:doné? 

                               Krishno Dole:

Gimur po:lobí kapé a:don? 

Ansípé sarné ésarbí luto 

Ka:po kanganpé 

Lí:né singgi gípun punkolo émma. 

Gimur po:lobí kapé a:doné? 

Boli lo:li:pé  sarné ésarbí luto

Ísí anné oyi:la mé:po:la so:do:do émma. 

Gimur kapé a:doné? 

Murongbí luto

Mímbír ya:me léko:la

Lo:le ni:tom moge:la 

Gumrag paksong so:namdé.

Gimur kapé a:doné ? 

Yumra:lo du:né taléng ékkambí luto

Akunpé kunnam purang apindok nami:dé émna.

Gimur kapé a:don? 

Mímbír ko:nédé ege sumko:do ludangai

Ri:bi gaseng mibu galug gége:la

Ukum lottad yumdédo

Mé:po mé:nganla yírra so:namdé émna .

Gimur kapé a:doné? 

Dumbol du:né gambí luto

Ngosan ongo adinki 

Talab take: líktéla ke:po monam

Akunki nogin po:ro tí:namdém.

Doksiri দকচিৰি, মাৰ্চ, ২০২৬