Rongngamné Angké:sok Ngok Agom
Jharnajili Doley
Jonai
Ronggamko ngok angkéng arangí:so agomém abako ludung
Édé agom gomugé ngok nappa:lok lenmang,
Ngok amik pongkoglo bulu du:rasula du:dag
Yirnamém nappa:lo léngge:l
Kabnamém asinbo ríngge:l
Appíngém mé:pom léngkansudung
Lékoném asinsé mé:dír pédongé odag
Émpige:la pédong topobiné sé:kosin kamang
Aíkémpé mé:nam ake ajoné
Ngok rémagné asiném benmíkmoto
Ngo aso aso:pé yokkang
Appíngé mitpanto
Turnamsém atékpé turropto
Émdaggom, su:paksin ma:nyingém ma:tídung ngo.
Ngo kindag takam yumédokkéi rokomé du:dag
Ngok benné asinsé kusreko madung
Ngok turgotsém kínggí:monan ang kure:ko
Sé ngok nappa:lok lenma:né
Rémagné angké:sok lenné
Amik pongkeblok ngok agomé
Ngo kindag, longékoném
Ngom mitpanné takam ajoné mé:pa:yéku
Asin pédong topobiné taniyé len-yéku
Ngok rémagné angké:sok agomé
Bé:dopé nappa:sokké len-yéku
Doksiri দকচিৰি, ফেব্ৰুৱাৰী, ২০২৬
No comments:
Post a Comment