TOYA:LA DUNG
Hitesor Kuli
Obonori Bogum
Siné rubné béda:lok
Mongkuné réngamlo
Yalu-yanyoné olungko
Mo:pí mo:lungaém be:lupdopé
Do:mír mukkangé tubmínsula
Pédong miksé oledgédopé
Jé:tag kutagla--
Yirra dung.
Bulukké mé:poém ka:la
Turgo do:soglo
A:né ruyidok
Dírpenna du:né
Po:yub mudos tayolo
Oten ommang léga:pé
Mé:dír kaban banna du:né
Pékí péttang dornyidé
Dogang makolo gíkang.
Dé:lad dokulo--
Aín émpiné donamko
Mullang émpiné tí:nam:ko
Édílo–
Bombiyekun émna
Péri: péri:pé toya:la ka:la dung.
Doksiri দকচিৰি, ফেব্ৰুৱাৰী, ২০২৬
No comments:
Post a Comment