Yí:líng

 

YÍ:LÍNG

                     Rahul Sondi

Toya:la dung nom

Édílo gípí:yén émna,

Bérra: bírra ka:la:dung 

Nok gípéko bélamém.

Sana:la gíné ngok asinsé

nok ayango:kokki le:ladéi yékusong ?

A:dungkubong lígangé

Bé:dungkubong dum-dum lu:piyé.

Nommíng yamrígsunam légangé.

Nok ansíngo:né alangki ngo mé:pokípé asinsém, 

Nginnen la punnenkípé

Í:ré-pongkírné appun-ablappé.

No édílo gípí:yén ngok

Sannadu:né amírso 

nok ansí:né alakdém ri:yit líkkapé ?

Ngo toya:danna dung nok bélamém ka:la.

Doksiri দকচিৰি, ফেব্ৰুৱাৰী, ২০২৬