মাছৰ চকুলো
ৰাতুল চেতিয়া ফুকন
চৰাইদেউ, সোণাৰি
জাতিৰ দুচকুত দেখিছোঁ
মাছৰ চকুলো।
পৰাজিত সৈনিক যেন বিষাদগ্ৰস্ত প্ৰজা ।
ৰং চোৱা সেনাপতি অনেক
ৰণচালি তালিভুলিৰে ভৰা বীৰৰ বচন
পিছে সকলো পৰে তল
নহ'লে যে ৰজাৰ আদেশ।
চোতালৰ চপনিয়াই দিয়ে গৃহস্থলৈ হুংকাৰ
নাজানো কাৰ চক্ৰান্তৰে সিহঁত বলিয়ান ।
বাধ্যত নে প্ৰলোভনত
বহু সচেতন এতিয়া অচেতন।
যাৰ বাবে
জাতিৰ দুচকুত দেখিছোঁ
মাছৰ চকুলো।
Doksiri দকচিৰি, জুলাই, ২০২৬
No comments:
Post a Comment