নিয়ন্ত্ৰণ কৰিব তোক
হৰেন চন্দ্ৰ কলিতা
বটদ্ৰৱা বৰহিছা, নগাওঁ
অসমৰ উজনি নামনি কৰি একাকাৰ
বছৰি বছৰি আহ তই বলিয়া বান,
যুগে যুগে তই অসমীয়া ভাই-ভনী হঁতক
কিহৰ অপৰাধত কৰিছহি হায়ৰাণ ?
অতি নিমাখিত মোৰ অসমীয়া ভাইহঁত
কৃষি কৰ্মই সিহঁতৰ মূল জীৱিকা,
প্ৰতি বছৰে তই সিহঁতৰ শস্য নষ্ট কৰি
জীৱনবোৰলৈ আনিছ বিভীষিকা।
তই যোৱাৰ পাছত বেমাৰ ব্যাধি আহে
ভাইহঁতৰ চিকিৎসাৰ বাবে নাথাকে ধন,
অভাৱ অনাতনে দেখা দিয়েহি যেতিয়া
নাথাকে সিহঁতৰ জীয়াই থাকিবৰ মন।
প্ৰতি বছৰে আহি তই কালৰূপ নধৰিবি
চেনেহৰ ভাইহঁতক নিদিবিহি শোক,
নহ'লে প্ৰতিৰোধৰ চক্ৰবেহুত সুমুৱাই
অসমীয়াই নিয়ন্ত্ৰণ কৰিবৈ তোক।
Doksiri দকচিৰি, জুলাই, ২০২৬
No comments:
Post a Comment