স্বৈৰান্ত্রিক বেথা
অবিনাশ বাস্তৱ
বৰষুণ নোহোৱা এখন আকাশ
এখন ৰাজ্য
ক্ৰমাৎ —
শুই পৰা এখন বিল
বোকাৰে লুতুৰি পুতুৰি এখিনি মানুহ
তেওঁলোকৰ ভৰিবোৰত শিকলিৰ বান্ধ
ওঁঠত লাগি আছে দোঁতাৰাৰ সুৰ
সুৰত সুৰ মিলাই তেওঁলোকৰ খোজ
খোজে পতি উলংগ কৰে
নিজেই নিজকে
জয় জয় মই মই ৰাজ্যৰ ৰজাগণ
ৰজা-প্ৰজা সকলোৰে আছে
ভোকাতুৰ সপোন
ধৰ্ষিত হয় ইতিহাস
ধৰ্ষিত হয় হাতবোৰ
মাতবোৰো
জিলিৰ ঝিঁঝিঁয়নিত শুই পৰা
গাঁওবোৰ আৰু সাৰ নাপায়
নহয় — মানুহবোৰ......
মানসিক ৰোগত আক্ৰান্ত...... ?
নহয় — মানুহবোৰৰ......
সব চকু ফুটা গৈছে
পাৰে যদি কোনোবাই চকু দান কৰক।
Doksiri দকচিৰি, জুলাই, ২০২৬
No comments:
Post a Comment