আমাৰ পৃথিৱী
সংগীতা গায়ন বৰা
চামগুৰি, নগাঁও
খেতিয়ক দেউতাৰ চাৰি জনী ৰোৱনী
পিতাইৰ পথাৰ সজীৱ আঙুলি বুলাই আশাৰ কঠিয়াৰে,
সেউজীয়া সপোন সাৱটি।
বাৰিষাৰ বুকুত কঁপা
নখহিলে নৈ গৰা,
দেউতাৰ দুবাহু আৰু নাঙলৰ সীৰলুৱে
আইৰ মুখত সিও এমুঠি সুখৰ হাঁহি ।
খেতিয়ক দেউতাৰ এগৰাকী দাৱনী
ৰ'দত জিলিকা সোণোৱালী সপোনত
আঘোণৰ সাজোন-কাচোন,
সোণগুটি সাৱটি পেট আৰু চোতালৰ ভঁৰাল
আইৰ আখলত ভোক অঁকা ভোগৰ সঞ্জীৱনী,
এয়ে মোৰ পূজনীয় মা...
আমাৰ পৃথিৱী।
Doksiri দকচিৰি, জুলাই, ২০২৬
No comments:
Post a Comment