বন্ধুত্ব
কল্পনা চেতিয়া
বোকাখাত
বন্ধুত্ব যে পুৱাৰ এক সুবাস
বন্ধুত্ব আন্ধাৰ নিশাৰ এক জোনাকী বাট
বন্ধুত্বই বিচাৰি নলয় ধৰ্মৰ নাম
বন্ধুত্বক নালাগে ধনী-দুখীয়াৰ শ্ৰেণী কোঠাৰ দাম
বন্ধুত্বই দিয়ে বন্ধু-বিপদৰ চিনাকি নাম
বন্ধুত্বই গঢ়ে মাথো ইজনে সিজনক
বিপদে-আপদে, সুখে-সম্পদে
একেলগে কঢ়িয়াই লৈ ফুৰাৰ এক শুভ সংবাদ
বন্ধুত্বই হজমো কৰিব পাৰে প্ৰতাড়ণা
গ্ৰহণো কৰিব পাৰে বন্ধুত্বই বিড়ম্বণা
বন্ধুৰ স্বাৰ্থৰ বাবেই নিজকো
কৰি দিব পাৰে নীৰৱে অকলশৰীয়া
বন্ধুত্বৰ বাবেই সৃষ্টি হ’ল
মহানুভৱ গীতা
বন্ধুত্বৰ বাবেই আদৰ্শ হ’ল
বিপ্ৰ সুদামা
বন্ধুত্ব নহয় যে কেৱল এক জীৱন ধেমালি
ই এক জীৱন কাঠামো
শিলে শিলে কৰ্ষণ হোৱা
প্ৰাচীনতম সভ্যতাৰ এক স্ফুলিঙ্গ
ই যে চিৰন্তন এক সঁচা অৰ্থ
বন্ধুত্ব !
Doksiri দকচিৰি, জুলাই, ২০২৬
No comments:
Post a Comment