ৰজিউলৰ দেশৰ কবিতা
আব্দুৰ ৰহমান প্ৰামাণিক
কুৰ্শাকাটি, কোকৰাঝাৰ
মই প্ৰেমিক অকলশৰীয়া যাৰ প্ৰেমত মতলীয়া
সেই দেশত প্ৰেম মূল্যহীন,
চিত্ত দহনে কৰুণ ৰোদনে মোৰ প্ৰেম
কল্পনাৰ জগতত বিলীন!
ইহ জনম বিচ্ছেদত কাতৰ অভাৱ এটা মৌ-সনা মাতৰ
প্ৰেমৰ সমাধি ভাঙিল,
জীবন বৃথা অকাল মৰণ
এই নদীত দুখৰ তোৰণ
সুখ চিৰতৰে আঁতৰিল।
ৰজিক পাবলৈ কত দেশ বিদেশত
ঘূৰি ঘূৰি সুধিলো বহুবাৰ,
যদি তোমাৰ দেখা নাপাওঁ
সেই বিৰহত মৰি যাওঁ
ইতি পৰিব প্ৰেমৰ জোৱাৰ!
Doksiri দকচিৰি, জুলাই, ২০২৬
No comments:
Post a Comment