নাৰীৰ নিজস্বতা নাই
প্ৰিয়ংকা পেগু
নাৰীৰ কোনো নিজস্বতা নাই
না ঘৰৰ না পৰৰ....
নাই কোনো চিন্তাৰ নিজস্বতা
নাই কোনো চকুলোৰ নিজস্বতা ।
নাৰীৰ কোনো নিজস্বতা নাই
না কোনো আবেগৰ নিজস্বতা
না কোনো সপোনৰ নিজস্বতা
নিজানত বহি চকুলো টুকাৰো নিজস্বতা নাই।
চকুলো লুকুৱাই ৰঙা পৰা
চকুহালৰো নিজস্বতা নাই
শোকৰ খুন্দাত ভাঙি পৰা
কলিজাটোৰো নিজস্বতা নাই ।
অন্তৰৰ চন্দুকত কিমান পৰিমাণৰ দুখ জমা হ’লে
আৰ্তনাদ হৈ চিটিকি পৰে চুবুৰী
কলিজাই কিমান পৰিমাণৰ নিঃসংগতাৰ উমান পালে
অন্তৰ্দ্ধান হৈ পৰে ওঁঠৰ হাঁহিটি.....?
নাৰীৰ কোনো নিজস্বতা নাই
আছে মাথো খলপা খলপে জমা হোৱা
ভিন্ন স্বাদৰ বেদনাৰ ব্যঞ্জন
যাৰ সতে হয় মোৰ অহৰহ আলিঙ্গন।।
Doksiri দকচিৰি, জুলাই, ২০২৬
No comments:
Post a Comment