প্ৰভাতৰ পোহৰ
মিনাক্ষী দেৱী
কাহিলিপাৰা, গুৱাহাটী-১৯
পূব আকাশত ৰঙা আভা সানি
প্ৰভাত আহে নীৰৱে নীৰৱে
পৃথিৱীখন যেন নতুন সপোনেৰে ভৰে
সেউজীয়া পথাৰৰ শিশিৰ হাঁহি
মুকুতাৰ দৰে জিলিকি উঠে
চৰাইৰ সুৰে আকাশ ভৰাই
বতাহে কঢ়িয়াই স্নিগ্ধ বাৰ্তা
গছৰ পাতত সূৰুযৰ পোহৰ
আলোকিত কৰে ধৰণী
নদীৰ বুকুত লহৰী খেলি
সূৰুযে আঁকে ছবি
প্ৰভাত কেৱল এটি সময় নহয়
জীৱনৰ এক মহান শিক্ষা
প্ৰভাত মানে নতুন আশা
প্ৰভাত মানে নতুন পথ
আন্ধাৰৰ পিছতেই পোহৰ আহে
জীৱনৰ প্ৰতিটো ক্ষণত
মানুহৰ হৃদয়ৰ গভীৰতাত
আশা, সাহস আৰু সপোনৰ
দীপ সদায়ে জ্বলি থাকক।
Doksiri দকচিৰি, জুলাই, ২০২৬
No comments:
Post a Comment