এই মায়া বহুগামী নহয়
ৰেবিকা নেওগ
চকুৰ চুকত জিকমিকাই উঠে একোটি তৰা
দুখ বগাই সৰি সৰি যায়
কাৰোবাৰ বাবে
সকলোৰে বাবেতো নহয়
বুকুত ধৰফৰাই উঠে এটি উশাহ
লাগি ধৰি ধৰি মুকলি হয়
কাৰোবাৰ বাবে
সকলোৰে বাবেতো নহয়
জিভাই বিন্ধি ধৰা পৰাধীন কথা
উলাই আহিব নোৱৰা
কাৰোবাৰ বাবে
সকলোৰে বাবেতো নহয়
এই মায়া বহুগামী নহয়
এনে মোহ সকলোৰে বাবে নহয়
এই মোহৰ শেষত সকলো শিল হয়।
Doksiri দকচিৰি, জুলাই, ২০২৬
No comments:
Post a Comment