সময়
অভিজিৎ হাজৰিকা
গোলাঘাট, দেৰগাঁও
শুনিছোঁ বহুতৰে মুখত,
সময় বৈ যায় হেনো নদীৰ দৰে।
দেখিছোঁ, সময়ৰ এখন হাতত আছে
মধুৰ ফুলৰ পাহি,
যি দিয়ে আইৰ মৰমৰ সুগন্ধ
আৰু দেখাই নতুন নতুন সপোনৰ আশা
সেই সময়ৰ সোঁততে
সপোনে মেলে নতুন পাখি।
আকৌ, একেই সময়ৰ আনখন হাতত আছে
অন্ধকাৰ বেদনাৰ ছাঁয়া।
সেই সময়লৈ লাগে ভয়,
যেন সেই সময়েই
নতুন নতুন সপোন দেখাৰ
নিদ্ৰাক কাঢ়ি নিয়ে।
Doksiri দকচিৰি, জুলাই, ২০২৬
No comments:
Post a Comment