Anu Adílo E - Megajin

 ANU ADÍLO E- MEGAJINÉ

                                                                                                                                ✍️ Nirmal Narah

                                               Potin Ru:tum

                                       Mising Agom Kébang

            Taburam Taíd lotta Gogamukh,Dhemaji

       Siloké anu longéso anu anu attaré gasumko lenka:bong. ukumlo dungge:la Mo:písok angu angu mo:rum mo:diloké okolo kapé ika:ji,okolo kapé ila turra du:ji lagampé pa:la kinladag. Édé nguluké aipé kaboné agomé. England,Amerika,Chainang édémpé angu angu mo:rum lok tanié okkom ila turdun édém ngulu Internet Google lo charge:la ka:la bagémpé kinladag dokké bulukodok ainé lukan léngkaném ka:yi:sulado.

Lekelok ké:bong ngoluk kinpé Mo:písok angu angu mo:rum mo:tag lang aíké mo:rum,mo:di,mo:légsok Lutadém ngulu Radio lang Oshomiya paper lo pa:la agom do:yingém kinladungai. anu Bigyan lang projugti bidya longé dérbanya:né ainé ainé attaré lenla tani:kídí:sé ainé dakorém korbanla gínamém ngolu ka:pa:dung. Bigyan adíso ai ainé attar lennam lédulo Coputer, laptop délokké mobile smart phone é lenla tani:kídí:sé bagémpé gasum attarlok agerém gerra geramna:dung.

        Lupé lumílo Xerox machine dokki ajjoné ayirdo gasumko photo stat la laginam kagoj photo ém la:lenla:dag. Computer lang Mobile gasumko apps kadung Youtube,Google,E-mail émna édémpiné gasumkopé Apps-é kadung. Google lang YouTube search ge:la Ka:lí:nam laginamém pa:la ka:ladag dokké tatladaksin. Sé arangí:so ngoluké ainé Lutadko Mobile phoné lenla aipak mo:té:lok du:né tani takamém mikyabodo ainam aimangko tau lupomínsula:dag. Video calling mílotu tani dok yalodém ka:pa:mínsutéla lupomínsu la:dag. WhatsApp lo message box Do:jígém adla biladag. E- mail lo Do:jíg atí atíém adla biladag. édémpé akondok agomém akondé kikamínsudag. odokké:sin face book lang you tube lo atí atí lutad agomém update bila Mo:písok taniém migyabo:do kimoladag édé nguluképé aipakpé ainé lutad agomé.

 Supak édé anu ayir adí arangí:so aipakpé ainé lutad agomkongoluképé.

    Facebook, WhatsApp lenkaní:pé silo mélo anup é lenrobdung E- Magajiné. Sé e – megajin lennamsé lenla ngoluk Mising réngam ara:so:pésin ainé lutad agomko bomabitung émla mé:podung. kapéné sím síro abayang taniyé Internet adípé ila batori kakodém pokunamém anpatokumang. Botori kakot ponamdém mége:la T V lo lutad atíém kangkupé idung. édém té:pé Mobile lok you tube lang Google search:la tani kídí:sé atí atí lutadém bagémpé pa:la ka:dag.

Ngok méngkípé Mising Agomsém turyarla du:nam léga:pé E – Magazeen ko lagidag. E- Magazeen ko Mising réngam ara:so píramdu:da. Mobile Expart né dok lédulo Mising agom sém asinang oné kídí:ngé E -magazeen la:lenbonam l égangé mé:po asengko bidung. Sé E-magazine lennam sé lenyartíla du:yepé émla lo:dípé ngo mé:lìgdung.