Doksiri

 Doksiri:

                                           ✍️Mrinangka Patir

                            Kolabari, obonori, Lakhimpur

         Doksiri:ko aíno:kokki monamko

        Anékéla: bírméké mé:bomsunamko

        Rongngamné lí:pongém Í:rpongkírmonéko.

        Longngém do:nyipé yummém po:lopé

        Uksínggo:nyi:pé unte: unte:la unnéko.

        Aín doksiri:no,

        Sé:kaimé yirmodung sé:kaimé kabmodung

        Mirémké lí:pongé Í:rpongkírdung

        Opanké lí:pongé rongngampésamdung

        Opan ané- bírmébulu nom pa:ma:la

        Miksé réjinna kabdung.

        O:tasunam e:g porog péjabé sikutkuli

        Itasunam ríkséng arígé sankurag-kurag

        Mé:tinsunamdéi édébuluai

        Ka:tinsunamdéi édébuluai

        Édébulu kama:míloi no:sin kamang

        Opan ané bírmébuluk lí:pongé unmang.

        Déuoi, opanké miksésin édílosin pínmang.

        Émdaggomsin aí’n doksiri:

        Nokkolo ngolukké mé:bo bi:pogla dung

        Kapéi idaggom nom géyérung

        Lí:pongém rongngammoge:ru:mang

        Asiné mé:re:suge:ru:mang

        Nom unmoyé untíla du:moyé

        Aín doksiri:ípé.