পবিত্ৰ ভাদ মাহৰ তাৎপৰ্যঃ চমু অৱলোকন

 Mogur Mimag Ajonké Jé:lam

                                                                                                                              ✍️Nirmol Perme:

                                  Médak Do:lung, Lakgimpur

Sé:ko ludan ngo aima:né tani:ko émna,

Sé:ko ludan ngo ager-atung kama:né tani:ko émna,

Ngo mimagém jé:robboyé

Ainé bélamém léngkanboyé

Ngolukké mising rengamsém unna du:né

Takarémpé lo:dísém unna du:boyé

Lédu mokutsula du:né tani:ém

Luír-gí:ir boyé

Anu anu lékorém korbomboyé

Ngolukké dírbí dírlabém

Takam taniké léné i:lo

Bidla du:moyé

Donam tí:nam mégel

Mimag ager gerboyé

Mising réngamsém turboyé

Uyu amopé gíné miga:bulu

Silo jé:la jé:la kabdung

Ngolukké Mising réngamsé kapila lédu mokutsul du:ngkan

Mising dírbí yogdung

Miaing ru:tum lusula bulu

Ngolukké agom gompirém yogmodung

Édém ka:la angu tani: kídísé

I:sor biddop yirdung

Agomé kamamílo dírbí kamayé

Dírbí kamamí opíné kamayé

Édém tadla ngokké

Adin amírsé míryad sa:dag

Taré motonoé yunsadag

Kajé réngama lentobong

Lédí mokutsu:l du:yobong

Ammem yirkangkosuyobong

Ngolukké agom gomlab, dírbí dírlabé

Unné takaré

Do:nyi po:loké ka:namé

Se:di mé:loké ru:namé

Mising agomsé lo:dísém tuyarruyé

Mising réngam írroi

Mising réngam írroi

Mising réngam írroi..