কপালৰ সেন্দুৰ

                                 ৰাজু কুমাৰ নৰহ

উঠনােৱা বুকুত মেঠনী মৰা

দেহত দৃষ্টি নিমগ্ন শিশুৰ

মাতৃ স্নানৰ যুঁজ

টাকুৰী ঘূৰাই ঘূৰাই

কর্মত মগ্ন মাতৃৰ

শুকুলা বাটেদি চুটি চুটি খােজ

আৱেগিক হৈ চিঞৰি উঠা

শিশুৰ কান্দোনত প্ৰাণ পাই উঠে

প্রকৃতিৰ গীতৰ লহৰ

এনে সুৰত মন্ত্রমুগ্ধ হৈ

মাতৃৰ মেঠনী খুলি

স্তনপান যুঁজৰ সমাপ্তি ঘটে।

ক্রমান্বয়ে নিৰৱতাই ধাৱমান হয়

আকাশৰ এটি কোণত

হৃদয় বিদাৰক সপােনবােৰ প্ৰৱাহিত হয়,

আৱেগিক জীৱনৰ গতিশীল ৰেখাৰ

শিৰে শিৰে

হঠাৎ মনৰ চিমকাৰ্ডত এৰি অহা

অতীতৰ চিলাই থােৱা পাতবােৰ

খােল খায় এখিলা দুখিলা….