Mising Agomsém Kapé Turmoyen

 Mising Agomsém Kapé Turmoyen

        Kalinath panggíng

     Gogamukh

(......po:péké lennamdok tungkon )

2. Takam Mising tanié okumlo,lambé-pédu:lo Mising tani: lédulo Mising agomki lupo-taumínsunamko ipa:ye 

3. Mising agomsém appíng Misingé poyirsupa:ye,adyirsupa:yé,asinang obomsupa:yé.Mising agomsé ngokké émna mé:sunané a:ng-a:píko gépa:yé.

4.Mising dírbí-dírlab,agom-gomab,ni:tom-ba:rí: atíém Mising réngamlok kinné-pa:né ope:é rélékpé Mising agom-abíglok adnamko ipa:yé.

5.Mising agomlok adnam potiném appíngé réla poripa:yé, poyirpa:yé.

6. Mising réngam ara:so atég do:jíg lukanmílo-Dodgang do:jíg, Midang do:jíg atí atí do:jíg kídí:dém Mising agom-abíkki adnamko ipa:yé.

7.Opín kébang kídí:lok Lusar,Lupang atí kídí:do Mising agomki lunamko ipa:yé,Lutad,Benar (Banner) atí kídí:dém Mising abíg-agomki adnamko ipa:yé.

8. Mising réngam ara:lo,Mising réngam léga:pé ba:nam réngam kébang kídí:dok lupo-lujar kídí:do Mising agomo:ki lunamko ipa:yé.

9. Mising opín kébang kídíngé atí atí lugéngém tígé:la la:lennam Mé:pa: potin kídí:do Misi:lok adnamém abayangko adnamém mé:lígnamdém ipa:yé.

10. Mising réngamlok kinné-pa:né ope:é dumsu-ru:sula adí adílo len-yartíné Mising Agom lutad- Lusar la:lennam agerko gerpa:yé.

   11. Ngoluk ané agom Misi:sé Mising opínlok kangkiné, sém turyar molai émna do:lu: do:lu:lo Lugo:nam/kinmonam ager tarungko kene:pé gernamko ipa:ye.

12.Mising agomsém pogolok poyirnané agompé (Medium of Instruction)pé imonam léga:pé migomém do:rí: moantíla Agom Mimakko mopa:yé.

  Agomsok léga:pé bottépagné agerko gerra:manggom sémpiné ajji: -arri:né agerko takam Misingé gerra dunggom Mising agomsé turyaryé.Kapéné Mising agomsém Mising réngamépag turmopa:yé, sé:kai turmoa:ma.

 Ngolu Mising opíné ngoluk Ané Agomdé Mising agomdé,sém ngolu kapésin mo:písokké simoge:mang émna ka:nam Mising tani: takamdé a:ng asinki pesula:mílopag Mising agomsé turyaryé,ékíma:mílo badyuksuné adí lédulo Mising agomsé:sin yogmín-ye..