Réngamké nga:sodé

 Réngamké nga:sodé 

Kriahno Dole:

Nolduwar, Majuli

Kombo: mekerpé ringa:dai

Ngok yubko ma:nyibo

Réngam kamnam ri:namko

Réngam miksí dínamko .

Sé gené ru:adné mo:píso 

Tani ké:sapé turko dong a:mo:so 

Pu:mi asidé bidyud bomna: 

Réngam araso bottané nga:so:dpé idung 

Édé pu:mi así nga:sodé 

Dítak dítaklo ngolum nga:sodla kamodung. 

Po:péké ngok dungko do:ludé 

Silo pu:mi asé: bitkangku

Po:péké arig iko a:modé 

Silo Kampo:né sullipé ikangku

Nga:sodé Mising réngamké nga:sodé 

Édé nga:sodé édiloi yokyéson ?

Ngo kapling sa:dag

Tani turnamsé nga:so:do:pei iyébon? 

Anu bélamko síglen ku:mabone ?

Ngolu dungkodém mo:sí suma:bone ?.

Ai réngamma no ngosin 

Ainé migom tanipé ilíma:ne ?

No ngok ao omékosin migom tanipé ipa:mane ?

nga:sodopei iyémilo 

Édilo no ngok ao omédé bottané tanipé iyén? 

Édilo réngam kampo mo:yén ?.

Nok édé a:pir pi:nyi pa:nam murkodém 

Turnam lé:gang do:gangko réto:ném 

Édilo migom Tanipé ao omémé imo:yén ?

Édilo réngam lé:gang mimag mo:yén ?

Ai réngamma sémopei duyébon ? 

Édilai pa:nam murko:démsin 

Ainé réngam agerko germapé 

Tí:pak do:pak yémilo 

No édélo apiné réngampé imo:yén ?

Édélo a:éké agomém mirém bo:yén ? .

Silo aine bélamko síglen payé 

Silo Mising agomko lu:lenpayé 

Silo Mising Dírbíko léko:payé 

Silo ngolu mimagko mo:payé 

Agom ka:mamil Dírbí yokyé 

Dírbí ka:mamil Gomug gompo:dé yokyé 

Kai mising réngam kampo:nam léganggé 

Lé:kopé mising réngamsém nga:sodé aradkkem 

po:lo lola:dpé ru:ad mo:langkui .

Mising réngam írroi

Mising Agom írroi .